Воин — это особый статус. Независимо оттого, сражается он или несет службу, готовясь в любой момент встать на защиту Родины и слабых, воину необходима молитва. Обращаться к Богу, Богоматери и святым с просьбой о помощи, заступничестве и наставничестве нужно и ему самому, и находящимся вдали от него близким, которые не могут изменить ситуацию, повлиять на развитие событий и часто не имеют возможности оказать поддержку никаким иным способом, кроме как молитвой о воинах. К нам в редакцию журнала «Фома» также часто приходят вопросы о том, как молиться о воинах, о том, какие молитвы существуют. Мы постарались собрать в этом материале все распространенные молитвы о военнослужащих. При этом важно помнить, что молиться можно, как и используя любые хорошо известные или специально составленные для такого случая тексты, так и своими словами.
Материнская молитва способна творить чудеса. Ведь она всегда идет от сердца, переполненного состраданием и любовью к своему ребенку. Матери о сыновьях-воинах молятся Богоматери, практически непрестанно мысленно просят Бога сохранить их ребенка живым и невредимым, а также читают следующий текст:
Господи Иисусе Христе, Сыне Божий, молитв ради Пречистыя Твоея Матери услыши мя, недостойную рабу [или раба] (имя). Господи, в милостивой власти Твоей чада моя [или чадо мое], рабы Твоя (имена), помилуй и спаси их, Имени Твоего ради. Господи, прости им все согрешения вольные и невольные, совершенные ими пред Тобою. Господи, настави их на истинный путь Твоих заповедей, и разум просвети светом Христовым во спасение души и исцеление тела. Господи, благослови их службу в армии, на суше, воздухе и в море, в пути, летании и плавании и на каждом месте Твоего владычества. Господи, сохрани их силою Честного и Животворящего Креста Твоего под кровом Твоим святым от летящей пули, стрелы, меча, огня, от смертоносной раны, водного потопления и напрасной смерти. Господи, огради их от всяких видимых и невидимых врагов, от всякой беды, зол, несчастий, предательства и плена. Господи, исцели их от всякой болезни и раны, от всякия скверны и облегчи их душевные страдания. Господи, даруй им благодать Духа Твоего Святаго на многие годы жизни, здравия и целомудрия во всяком благочестии и любви в мире и единодушии с окружающими их начальствующими, ближними и дальними людьми. Господи, умножь и укрепи им умственные способности и телесные силы, здравы и благополучны возврати их в родительский дом.
Всеблагий Господи, даруй мне, недостойной и грешной рабе Твоей (имя), родительское благословение на чад моих (имена) в настоящее время утра, дня, ночи, ибо Царствие Твое вечно, всесильно и всемогущественно. Аминь.
За воина на войне можно читать любые заздравные молитвы. Можно своими словами просить для него помощи, сохранения жизни и духовной крепости у Господа, Богородицы и святых. Война — это большая беда для всех, и потому можно также по совету святителя Тихона Задонского читать молитву при общем бедствии:
Воскресни, Господи, помози нам и избави нас имене ради Твоего!
Боже, ущедри ны, и благослови ны, просвети лице Твое на ны, и помилуй ны!
Благоволил еси, Господи, землю Твою, возвратил еси плен Иаковль. Оставил еси беззакония людей Твоих, покрыл еси вся грехи их. Укротил еси весь гнев Твой, возвратился еси от гнева ярости Твоея. Возврати нас, Боже спасений наших, и отврати ярость Твою от нас. Еда во веки прогневаешися на ны? Или простреши гнев от рода в род? Боже! Ты обращся оживиши ны, и людие Твои возвеселятся о Тебе. Яви нам, Господи, милость Твою, и спасение Твое даждь нам!
Находясь в условиях военных действий, солдат может обращаться к Богу своими словами или словами любых известных ему молитв. И краткое «Господи, помилуй!», и более длинная Господня молитва «Отче наш», и любые другие прошения о защите будут услышаны. Воинский молитвослов рекомендует произносить Молитву Кресту Господню, а также читать молитву святого великомученика Феодора Стратилата, покровителя христианского воинства.
Да воскреснет Бог, и расточатся врази Его, и да бежат от лица Его ненавидящии Его. Яко исчезает дым, да исчезнут; яко тает воск от лица огня, тако да погибнут беси от лица любящих Бога и знаменующихся крестным знамением, и в веселии глаголющих: радуйся, Пречестный и Животворящий Кресте Господень, прогоняяй бесы силою на тебе пропятаго Господа нашего Иисуса Христа, во ад сшедшаго и поправшаго силу диаволю, и даровавшаго нам тебе Крест Свой Честный на прогнание всякаго супостата. О, Пречестный и Животворящий Кресте Господень! Помогай ми со Святою Госпожею Девою Богородицею и со всеми святыми во веки. Аминь.
Господи Боже Всесильный, всех уповающих на милость Твою не оставляяй, но защищаяй их, буди ми милостив, и соблюди мя от прелести вражия Твоим защищением, да не паду пред сопротивники моими, и да не порадуется враг мой о мне: предстани ми, Спасителю мой, в подвизе сем, в него же внити желаю за имя Твое святое. Ты мя укрепи и утверди, и подаждь силу стати мужественно за Тя до крове и положити душу мою любве Твоея ради, якоже и Ты, возлюбив нас, положил еси на Кресте душу Свою за нас. Аминь.
Можно читать любую молитву за здравие воина. В годы Великой Отечественной войны у многих солдат с собой (часто зашитые в гимнастерку или подкладку шинели) были листочки с текстом 90-го псалма. Написанную от руки молитву давали с собой на фронт бойцам их матери, жены, любящие их люди. Иногда в народе ее называли «Помощи солдата».
Живый в помощи Вышняго, в крове Бога Небеснаго водворится. Речет Господеви: Заступник мой еси и Прибежище мое, Бог мой, и уповаю на Него. Яко Той избавит тя от сети ловчи, и от словесе мятежна, плещма Своима осенит тя, и под криле Его надеешися: оружием обыдет тя истина Его. Не убоишися от страха нощнаго, от стрелы летящия во дни, от вещи во тьме преходящия, от сряща, и беса полуденнаго. Падет от страны твоея тысяща, и тма одесную тебе, к тебе же не приближится, обаче очима твоима смотриши, и воздаяние грешников узриши. Яко Ты, Господи, упование мое, Вышняго положил еси прибежище твое. Не приидет к тебе зло, и рана не приближится телеси твоему, яко Ангелом Своим заповесть о тебе, сохранити тя во всех путех твоих. На руках возмут тя, да не когда преткнеши о камень ногу твою, на аспида и василиска наступиши, и попереши льва и змия. Яко на Мя упова, и избавлю и: покрыю и, яко позна имя Мое. Воззовет ко Мне, и услышу его: с ним есмь в скорби, изму его, и прославлю его, долготою дней исполню его, и явлю ему спасение Мое.
Пропавших без вести воинов не называют погибшими — ведь достоверных доказательств их смерти нет. Христиане молятся о них как о живых. В любом случае, даже если человек умер, такое поминовение полезно для его души. Специальной молитвы для таких случаев в Церкви не существует, но к имени можно добавлять «без вести пропавший» («без вести сущий»). По традиции о тех, чья судьба неизвестна, молятся преподобным Ксенофонту и Марии — родителям, на долгие годы потерявшим своих сыновей, а потом чудом нашедших.
О, святии Ксенофонте и Марие со чадами вашими Аркадием и Иоанном! Се, мы недостойнии и грешнии к вам усердно прибегаем и с упованием крепким молимся: милостивно услышите ныне глас наш молебный и потщитеся на помощь нашу, и ныне любовь вашу к нам, рабам Божиим (имена), явите благодатным действом богоприятных молитв ваших, низпошлите и нам великую и богатую милость Господню, да воспоем и прославим дивнаго во святых Своих Бога, Отца и Сына и Святаго Духа, ныне и присно и во веки веков.
К Богородице как к Заступнице люди обращаются в любых сложных ситуациях. Одна из самых известных молитв, которую читают в любых обстоятельствах, «Богородице, Дево, радуйся…». Также часто верующие вспоминают кондак «Взбранной Воеводе…». Сам воин может коротко просить Пречистую: «Матерь Божия! Сохрани мя под покровом Твоим. Аминь». Родные могут обращаться к образу «Покров Пресвятой Богородицы», а также к образу «Взыскание погибших». Молитвы перед этими иконами не раз спасали людей от, казалось бы, неминуемой гибели.
О, Пресвятая Дево, Мати Господа Вышних Сил, Небесе и земли Царице, града и страны нашея всемощная Заступнице! Приими хвалебно-благодарственное пение сие от нас, недостойных раб Твоих, и вознеси молитвы наша ко Престолу Бога Сына Твоего, да милостив будет неправдам нашим и пробавит благодать Свою чтущим всечестное имя Твое и с верою и любовию покланяющимся чудотворному образу Твоему. Несмы бо достойни от Него помиловани быти, аще не Ты умилостивиши Его о нас, Владычице, яко вся Тебе от Него возможна суть. Сего ради к Тебе прибегаем, яко к несомненней и скорей Заступнице нашей: услыши нас, молящихся Тебе, осени нас вседержавным покровом Твоим и испроси у Бога Сына Твоего пастырем нашим ревность и бдение о душах, градоправителем мудрость и силу, судиям правду и нелицеприятие, наставником разум и смиренномудрие, супругом любовь и согласие, чадом послушание, обидимым терпение, обидящим страх Божий, скорбящим благодушие, радующимся воздержание: всем же нам дух разума и благочестия, дух милосердия и кротости, дух чистоты и правды. Ей, Госпоже Пресвятая, умилосердися на немощныя люди Твоя; разсеянныя собери, заблуждшия на путь правый настави, старость поддержи, юныя уцеломудри, младенцы воспитай и призри на всех нас призрением милостиваго Твоего заступления; воздвигни нас из глубины греховныя и просвети сердечныя очи наша ко зрению спасения; милостива нам буди зде и тамо, в стране земнаго пришельствия и на Страшнем суде Сына Твоего; преставльшияся же в вере и покаянии от жития сего отцы и братию нашу в вечней жизни со Ангелы и со всеми святыми жити сотвори. Ты бо еси, Госпоже, Слава небесных и Упование земных, Ты по Бозе наша Надеждо и Заступнице всех притекающих к Тебе с верою. К Тебе убо молимся и Тебе, яко Всемогущей Помощнице, сами себе и друг друга и весь живот наш предаем, ныне и присно, и во веки веков. Аминь.
Заступнице усердная, благоутробная Господа Мати, к Тебе прибегаю аз окаянный и паче всех человек грешнейший; вонми гласу моления моего, и вопль мой и стенание услыши. Яко беззакония моя превзыдоша главу мою, и аз, якоже корабль в пучине, погружаюся в море грехов моих. Но Ты, всеблагая и милосердая Владычице, не презри мене отчаяннаго и во гресех погибающаго; помилуй мя, кающагося во злых делех моих, и обрати на путь правый заблуждшую, окаянную душу мою. На Тебе, Владычице моя Богородице, возлагаю все упование мое. Ты, Мати Божия, сохрани и соблюди мя под кровом Твоим, ныне и присно и во веки веков. Аминь.
О, Пресвятая Владычице и Богородице, Высшая Херувим и Честнейшая Серафим, Богоизбранная Отроковице, погибших Взыскание и всех скорбящих Радосте! Подаждь утешение и нам, в погибели и скорби сущим; разве бо Тебе иного прибежища и помощи не имамы. Ты едина еси радости нашея Ходатаица, и яко Матерь Божия и Мати милосердия, предстоящи у Престола Пресвятыя Троицы, можеши нам помощи, никтоже бо притекаяй к Тебе посрамлен отходит. Услыши убо и нас ныне в день погибели и печали пред Твоею иконою припадающих и со слезами Тебе молящихся: отжени от нас належащия на нас скорби и беды в сей временней жизни, не лишены же сотвори Твоим всесильным ходатайством и вечныя нескончаемая радости в Царствии Сына и Бога нашего. Аминь.
К Архангелу Михаилу как к начальнику Небесного ангельского воинства христиане обращаются во всех сложных ситуациях, рассчитывая на его помощь в избавлении от врагов, бедствий и тягот. Поэтому вполне уместно просить его заступничества и защиты для воинов.
О святый Михаиле Архангеле, помилуй нас, грешных, требующих твоего заступления, сохрани нас, раб Божиих (имена), от всех видимых и невидимых враг, паче же подкрепи от ужаса смертнаго и от смущения диавольскаго и сподоби нас непостыдно предстати Создателю нашему в час страшнаго и праведнаго Суда Его. О всесвятый, великий Михаиле Архистратиже! Не презри нас, грешных, молящихся тебе о помощи и заступлении твоем в веце сем и в будущем, но сподоби нас тамо купно с тобою славити Отца и Сына и Святаго Духа во веки веков. Аминь.
Великомученик Георгий был храбрым воином, но почитается святым не за боевые подвиги, а за то, что до конца был верен Христу. Образ святого Георгия, поражающего копьем змея, стал символом победы добра над злом.
Святый, славный и всехвальный великомучениче Христов Георгие! Собраннии во храме твоем и пред иконою твоею святою покланяющиися людие молим тя, известный желания нашего ходатаю: моли с нами и о нас умоляемаго от Своего благосердия Бога, да милостиво услышит нас, просящих Его благостыню (имена), и не оставит вся наша ко спасению и житию нужная прошения, и да укрепит же данною тебе благодатию во бранех православное воинство, и силы возстающих враг наших да низложит, да постыдятся и посрамятся, и дерзость их да сокрушится, и да уведят, яко мы имамы Божественную помощь: и всем в скорби и обстоянии сущим многомощное яви твое заступление: умоли Господа Бога, всея твари Создателя, избавити нас от вечнаго мучения, да всегда прославляем Отца и Сына и Святаго Духа, и твое исповедуем предстательство, ныне и присно и во веки веков.
Святой князь и полководец-победитель Александр Невский, не проигравший ни одной битвы, еще со времен Петра I почитается как защитник и помощник воинов. Сам же он, в конце жизни принявший монашеский постриг, никогда не шел в бой без молитвы.
Скорый помощниче всех усердно к тебе прибегающих и теплый наш пред Господом предстателю, святый благоверный великий княже Александре! Призри милостиво на мя недостойнаго, многими беззаконии непотребна себе сотворшаго раба твоего (имя), к раце мощей твоих (ко святей иконе твоей) ныне притекающа и из глубины сердца к тебе взывающа. Ты в житии твоем ревнитель и защитник православныя веры был еси: и нас в ней теплыми твоими к Богу молитвами непоколебимы утверди. Ты великое возложенное на тя служение тщательно проходил еси: и нас твоею помощию пребывати коегождо, в неже призван есть, настави. Ты, победив полки супостата, от пределов Российских того отгнал еси: и на нас ополчающихся всех видимых и невидимых врагов низложи. Ты, оставив тленный венец царства земнаго, избрал еси безмолвное житие, и ныне праведно венцем нетленным увенчанный на небесех царствуеши: исходатайствуй и нам, смиренно молим тя, житие тихое и безмятежное, и к вечному Царствию шествие неуклонное твоим предстательством устрой нам. Предстоя же со всеми святыми престолу Божию, молися о всех православных христианех, да сохранит их Господь Бог Своею благодатию в мире, здравии, долгоденствии и всяком благополучии в должайшая лета, да присно славим и благословим Бога в Троице Святей славимаго, Отца и Сына и Святаго Духа, ныне и присно и во веки веков.
Святителя Николая Чудотворца считают добрым помощником всех, кто обращается к нему. По молитвам этого Угодника Божьего разрешаются даже самые тяжелые, безвыходные ситуации.
О, добрый наш пастырю и богомудрый наставниче, святителю Христов Николае! Услыши нас грешных (имена), молящихся тебе и призывающих в помощь скорое предстательство твое: виждь нас немощных, отвсюду уловляемых, всякаго блага лишенных и умом от малодушия помраченных. Потщися, угодниче Божий, не оставите нас в греховнем плену быти, да не будем в радость врагом нашим и не умрем в лукавых деяниих наших. Моли о нас недостойных Содетеля нашего и Владыку, Ему же ты со безплотными лики предстоиши: милостива к нам сотвори Бога нашего в нынешнем житии и в будущем веце, да не воздаст нам по делом нашим и по нечистоте сердец наших, но по Своей благости воздаст нам. На твое бо ходатайство уповающе, твоим предстательством хвалимся, твое заступление на помощь призываем, и ко пресвятому образу твоему припадающе, помощи просим: избави нас, угодниче Христов, от зол находящих на нас, да ради святых твоих молитв не обымет нас напасть и не погрязнем в пучине греховней и в тине страстей наших. Моли, святителю Христов Николае, Христа Бога нашего, да подаст нам мирное житие и оставление грехов, душам же нашим спасение и велию милость, ныне и присно и во веки веков.
Святой мученик Иоанн Воин жил в IV веке, и был не только храбрым солдатом, но и милосердным помощником всех страдающих. За веру во Христа он был отправлен в тюрьму, но по стечению обстоятельств освобожден и, как считается, дожил до глубокой старости. С молитвой к нему обращаются как обиженные и испытывающие лишения, так и воины.
О, великий Христов мучениче Иоанне, православных поборниче, врагов прогонителю и обидимых заступниче! Услыши нас, в бедах и скорбех молящихся тебе, яко дана тебе бысть благодать от Бога печальныя утешати, немощным помогати, неповинныя от напрасныя смерти избавляти и за всех зле страждущих молитися. Буди убо и нам поборник крепок на вся видимыя и невидимыя враги наша, яко да твоею помощию и поборством по нас посрамятся вси являющии нам злая. Умоли Господа нашего, да сподобит ны, грешныя и недостойныя рабы Своя (имена), получити от Него неизреченная благая, яже уготова любящим Его, в Троице Святей славимаго Бога, всегда, ныне и присно и во веки веков. Аминь.
