Господи Иисусе Христе Боже наш, иже двема или трем, согласующимся о имени Твоем, прошения подати обещавый, Сам и ныне прошения нас, недостойных рабов Твоих, просящих Твоея скорыя помощи в воссоздании кафедральнаго храма в честь преславнаго Преображения Твоего, Господи, и в нем совершения служб и молений Тебе приносити на всяк день, — молитвами святителя Симеона, первого епископа Тверскаго и святаго благоверного великого князя Михаила Тверскаго — скоро услыши и исполни. Иже Ты, Господи, искони всяческая созда, буди Сам управителем делу сему, боголюбивых воссоздателей паки сподвигни, благослови, дела рук их направи, и вся потребная к освящению кафедрального собора земли Тверския Твоим Божественным Промыслом устрой. Да будет храм сей воссоздан и исполнен благолепия, в нем да прославится Пресвятое и Великолепое имя Твое со Безначальным Твоим Отцем и Пресвятым и Благим и Животворящим Твоим Духом, ныне и присно, и во веки веков. Аминь.